“Milli Ekoloji prioritetlər və qlobal iqtisadi təhditlər” adlı beynəlxalq konfrans baş tutub
15-16 dekabr 2023-cü ildə Milli Məclisin Təbii ehtiyatlar, energetika və ekologiya komitəsinin təşəbbüsü, Elm və Təhsil Nazirliyinin və Gəncə Şəhər İcra Hakimiyyətinin dəstəyi, Gəncə Dövlət Universitetinin Nizami Gəncəvi adına Dayanıqlı Ağıllı Şəhərlər və Regionlar Mərkəzinin, Azərbaycan Dövlət İqtisad Universitetinin (UNEC) və Naxçıvan Dövlət Universitetinin birgə təşkilatçılığı ilə “Milli Ekoloji prioritetlər və qlobal iqtisadi təhditlər” adlı beynəlxalq konfrans baş tutub. Ümummilli Lider Heydər Əliyevin anadan olmasının 100 illiyinə həsr olunan konfransın əsas məqsədi Azərbaycanda və dünyada ekoloji tarazlığın qorunmasında iştirak edən bütün təşkilat və qurumların səylərini bir akademik platformada birləşdirmək və əldə olunan elmi tədqiqat nəticələrinin elmi–praktiki müzakirəsini təşkil etmək olub. Konfransın işi əsasən “yaşıl enerji və nəqliyyat”, “yaşıl, ağıllı, sağlam şəhərlər” kimi elmi istiqamətlərə həsr olunmuşdur.